,,Тоа што ближниот се понел лошо, грубо, те оклеветил, тоа значи дека тој страда, тој е три пати понесреќен и потребно му е да се сожалиш на него. Доволна му е сопствената судбина, сопствената тага и болка. Доколку и ти го огорчиш него со својата суровост и противречење та дури и само во срцето да си помислиш на тој начин, гневот ќе падне на тебе, а не на тој несреќник, страдалец – него можеби Бог ќе го спаси.”
Неопходно е постојано да бидеме подготвени за тоа, дека ближните нема да престанат да бидат за нас искушение. Но, сето она што тие ќе го кажат, и она како ќе се обраќаат со тебе – сето тоа тебе ти е потребно.
Преку еден човек ти ќе се научиш на трпение, преку друг – на простување, третиот ќе ти помогне да бидеш кроток. Кога ти најнакрај ќе се смириш и ќе најдеш сили да ги прифатиш луѓето со сите нивни немоќи, тогаш нема да се вознемируваш за тоа како со тебе постапуваат. На тој начин ти ќе го најдеш долгоочекуваниот мир и спокој."
+Старец Емилијан Симонопетриски
Нека Бог го организира твојот пат. Тој знае пред да побараш нешто.
Затоа, моли Го да ти даде покајание, да ти ги прости падовите, а за останатото знае.
Тој (Бог) знае и какви ветрови ќе прати,
дали ќе ти ја одземе радоста и ќе ја направи тага,
дали ќе ти ја одземе тагата и ќе ја направи радост,
дали ќе ти даде успех или неуспех,
дали ќе ти ги пресече страстите или
дали ќе ги остави,
дали ќе ти ја излечи болеста и ќе ти даде здравје, или
дали ќе ти го одземе здравјето и ќе ти даде болест.
Она што ни го дава Бог е мистерија, која нè воведува во царството небесно, додека нашите сопствени барања и очекувања и молби, во најголем дел, се оддалечување од Бога.
Барањата на нашите срца, како по правило, се проекција на нашето его. Затоа црквата ги вади сите заеднички молитви и ни вели, само кажи „Господи Исусе Христе, помилуј ме“ и не бара ништо друго, само милоста Божја.
Така местото на нашата душа станува неосквернето и чисто, односно не е осквернето од нашата смрдеа, од нашите желби и нашите страсти.
Тогаш Бог може да влезе во нас.
+Старец Емилијан Симонопетрски
