Сумела е грчки православен манастир посветен на Богородица и се наоѓа на планината Мела во провинцијата Трабзон во Турција. Тој претставува едно од најважните православни светилишта во светот.
Манастирот „Сумела“, познат и како манастир „Дева Марија“, во турската област Мачка, во Трабзон покрај Црното Море, се наоѓа во пошумената област на околу 300 метри над долината Алтиндере, на падините на планината Карадаг.
Манастирот беше затворен за посетители во септември 2015 година поради ризик од одрон на карпите.
Министерството за култура и туризам на Турција во февруари 2016 година започна со реставрација на манастирот. Откако заврши првата фаза од реставрацијата која вклучуваше уредување на околината, истражување на карпите од геолошки и геотехнички аспект и нивно зајакнување, делот од манастирот до дворот беше отворен за посетители во мај 2019 година.
Со завршувањето на работите од втората фаза, 65 проценти од манастирот беше отворен за посетители на 28 јули 2020 година, а на отворањето со видеоконференција учествуваше и претседателот на Турција, Реџеп Таип Ердоган и министерот за култура и туризам, Мехмет Нури Ерсој.
Во манастирот „Сумела“, кој беше затворен за посетители околу пет години, карпите што претставуваа опасност на падината, во рамките на проектите беа тргнати, а некои делови беа покриени со челични мрежи.
Внатрешниот дел на манастирот беше реставриран, а исто така беа уредени и патеките кои водат до манастирот.
Третата фаза од реставрацијата на манастирот, кој е заведен во Листата на светското културно наследство на УНЕСКО од 2000 година, треба да заврши до јули 2021 година. Тоа е делот кој претходно воопшто не бил отворен за посетителите.
За првата фаза за реставрацијата на манастирот потрошени се 1,2 милион евра, а целосната реставрација ќе чини околу 6 милиони евра.
Богослужбата што се одржа на 15 август во светски познатиот манастир ја водеа свештеници од Грчката патријаршија во Фaнaр (Истамбул).
- Манастирот „Сумела“
Многу делови од манастирот Сумела“ биле реновирани во 18 век, а некои од нејзините ѕидови биле украсени со фрески. Во 19 век, со додавањето на новите големи објекти, манастирот се здобил со прекрасен изглед и го доживеал најбогатиот период. Во тој период манастирот ја добил конечната форма и станал место кое го посетуваат многу странски туристи, а исто така, за него се пишувале и натписи.
Главните делови на манастирот се црквата на главната карпа, неколку параклиси, кујна, студентски соби, куќа за гости, библиотека. Овие структури се протегаат на многу голема површина. На влезот на манастирот се наоѓа голем аквадукт преку кој се носело вода. Скалите пред влезната врата на манастирот се тесни и долги. Лево, пред пештерата, има различни манастирски објекти. Десно е библиотеката.
Фреските во параклисот датираат од почетокот на 18 век и може да се види дека се направени од три слоја во три одделни периоди. На фреските се прикажани теми од Библијата од животот на Исус и Дева Марија.
Друго
Друго:
Сумела- Манастир
Манастирот Сумела кој се наоѓа во Трабзон, Турција е врежан во планината Мела- 1600 години е стариот манастир.
Иако изгледа недостапно, посетителите лесно можат да стигнат до него, преку специфичен пат низ шумата. Христијанскиот православен манастир има и грчко и турско влијание во архитектурата и дизајнот- и е посветен на Богородица.
Камената Црква, капелите, студентските соби, библиотеката, светиот извор, кујната и куќата за гости се отворени за туристите да ги посетат и видат. Повеќето од разнобојните фрески се од 14-тиот и 18-тиот век, и се многу добро сочувани. Покрај импресивната архитектура, верска и историска важност, панорамскиот поглед кон долината Алтндере е восхитувачки.
Може да се посети низ целата година, а дел од неговата убавина ви ја претставуваме во фотографиите подолу.
https://delcevodenes.mk/%D1%81%D1%83%D0%BC%D0%B5%D0%BB%D0%B0-%D0%BC%D0%B0%D0%BD%D0%B0%D1%81%D1%82%D0%B8%D1%80-%D0%B2%D1%80%D0%B5%D0%B6%D0%B0%D0%BD-%D0%B2%D0%BE-%D0%BF%D0%BB%D0%B0%D0%BD%D0%B8%D0%BD%D0%B0-%D0%B2%D0%BE-%D1%82/
+++
Друго:
Светите апостоли Стахиј, Амплиј, Урван, Наркис, Апелиј и Аристовул; Светиот маченик Епимах; Светиот маченик Никола Хиоски; Преподобните Спиридон и Никодим; 
