(Обновено)

 
Христољупци, псалмите нека бидат постојано во устите ваши! Повикувањето на Божјото име ги прогонува бесовите и го осветува псалмопејачот. Псалмот е тишина за душата, зашто ја наградува со мир. Псалмот е посредник за дружба, соединување меќу разделените, примирје меѓу оние кои се во непријателство. 

Псалмот ја привлекува помошта на Ангелите; постанува оружје против ноќниот страв, носи успокојување од дневниот труд; безопасност е за младенците; украс е за возрасните, утеха е за старците; тој е најубав накит за жените. Псалмот ја населува и краси пустината; внесува мудрост во општествените собранија;  тој е првично оучување за огласените; духовен прираст за оние кои напредуваат; утврдување на совршените и учителен глас на Црквата. Тој ги прави празниците светли; тој предизвикува тага по Бога; тој повикува солзи и во каменото срце; тој е ангелско дело, небесно живеалиште, духовно кадило; псалмот е просветување за духот и осветување за телото. Во него, браќа, секогаш да се поучуваме: во куќи, и по пат, и во работилницата, и на легло – секогаш да беседиме сами во себе си преку псалми и песни и духовни пеења. Псалмот е радост за Богољупците; тој го отстранува празнословието; ја прекратува глупавата смеа; напомнува за Страшниот Суд, ја возбудува душата кон Бога; го воведува човекот во ликот на Ангелите. Каде што има псалм и покајание, таму е и Бог со Ангелите. Каде што има песни на лукавиот, таму се згрозува гнев од Бога и отплата за смеа. Каде што има свештени книги и читања, таму праведниците се веселат и слушателите се спасуваат. Каде што има гусли и пејачи, вино и тапани – таму нстапува помраченост и за мажите и за жените и празникот постанува ѓаволски. Колку е лукав, итар и плотски примамлив ѓаволот!

Денес ги гледаш како пеат псалми, а на другиот ден страсно се предаваат на танци; денес се Христијани, утре – многубошци; денес носат славно име – утре, пак, постануваат Елини; денес се слуги христови, а утре – отстапници од Бога. Злиот искусно сопнува и заблудува мнозина да вршат зло, оти прават добро. Ние, како вистински чеда на Христа, треба и да Му служиме: Нему да Му се поклониме, од Него да не отстапиме, со Него да бидеме до последното издивнување и да не се потчиниме на итриот змеј, зашто тој оди како лав што рика и бара некого да заблуди, некого да проголта. Да не постапуваме така – денес да пееме псалми, а утре да танцуваме; денес да се каеме за гревови, а утре да трчаме во погибел; денес духовно да читаме, а утре светски да свириме; денес да пазиме воздржување, а утре да се накривуваме од пиење; денес да постиме, а утре да озборуваме! Да не го губиме своето време во соблазни и суети - тоа е неопходно за подвиг кон спасение. Како што добриот земјоделец ја обработува нивата, така и ние да ја обработуваме својата душа: засакај го молчењето, избегнувај го лошиот разговор, понастрана од животните примки, умудрувај се во Бога преку псалми!

Извор: http://www.mpc-svpetka.com/

Посети:{moshits}