ПРЕПОДОБЕН ЕФРЕМ  СИРИН  -  Молитвеник  Псалтир
Псалм 103

СТАНИ  , ОСТАРЕНА ВО ГРЕВОВИ И СО НАДЕЖ ПРИСТАПИ МУ НА СПАСИТЕЛОТ
(4,412)

Стани  душо во гревови остарена и обнови се  со покајание.
Од  скрушеноста и солзите, лек раствори си за себе  и исцели си ги раните на твојот паднат лик.   Со вапај од своето срце, откриј си ги безаконијата свои.  Зашто Себлагиот ќе те поштеди, тебе паднатата.

Си ја засакала  убавината лажна , минлива. Си ја уништила својата красота ,
ќерко на светлината.  Храмот на телото твое е унаказен од мрзеливоста во која си била заробена.
Тешко тебе бедната. Се уште ли ќе се занимаваш со она што е минливо?
 Затрепери  и ужасни се од оној оган, што ти самата  себе си го запалила  со неправдите свои.

Недоличните  гревови што си ги сторила од својата младост па до сега, ја надвисуваат главата твоја. Тие те доведоа до очајание и затоа не се трудиш да се покаеш.

Опомени се себе си дека  си поробена од страстите;  сети се дека мајката твоја  похотата ја умртви.  Како е долготрпелив кон тебе Себлагиот, а ти тонеш во гревовна мора.

Зарем не се плашиш од оној ден кога ќе се откријат раните твои и тајните твои?
Кој таму ќе те заштити. каде што секој ќе биде загрижен  за судот на самиот себе?

Страстите твои те направиле бесчувствителна, те поробиле и те оставиле.

О, надеж голема , што ни се јави на крајот на времето. Поштеди ја душата одалечена од Тебе!
Јас сум овца твоја , но долго време блудев одалечен од Тебе, служејќи му на лукавиот.
 Излези Господе и побарај ме. 
Побарај Го наследството Твое, зашто во суета сум го изарчил богатството Твое! 
Заради грешниците си го зел на себе  Крстот Свој ,  и јас сум - еден од нив: 
Не одвраќај се од мене. Ние сме Твоето  наследство, но  не покраде лукавиот. Закани Му се и отми го од него  пленот негов.

Преведе :   M . Даниловска