логоFacebookTwitterYouTubeeMail

 

МПЦ–ОА испрати сочувство до СПЦ – Достоинствено го носеше патријаршискиот крст (23.11.2020 11:22)

Поглаварот на Македонската Православна црква – Охридска Архиепископија, г.г. Стефан упати телеграма со сочувство до Светиот архиерејски синод на Српската Православна Црква, по повод упокојувањето на Српскиот Патријарх Иринеј:

„Со голема жалост ја примивме веста за упокојувањето на Неговата Светост Патријархот Српски Иринеј. Српската Православна Црква и Православието во целост, во неговата личност имаа редок духовник, посветен пастироначалник и неуморен архипастир. Тој достоинствено и смирено го носеше својот патријаршиски крст и крстот на своето духовно паство, и во сè се трудеше да се покаже за достоен наследник на своите претходници. Во овие тешки мигови за вашите Црква и народ, дозволете ми, во свое и во името на Светиот архиерејски синод, на свештенството, на монаштвото и на сите верни чеда на Македонската Православна Црква – Охридска Архиепископија, да ве увериме во искрената скрб на македонскиот православен народ, кој сочувствува со сите коишто тагуваат поради упокојувањето на Патријархот Иринеј.

Блаженоупокоениот патријарх, по примерот на апостолот Павле, би можел да рече дека времето за заминување настапило, но дека добро се борел, патот го завршил, верата ја запазил и дека го очекува венецот на правдата.

Споделувајќи ја тагата со вас и со сите во Српската Православна Црква, се молиме за душата на новопретставениот ваш првојерарх, та милостивиот Бог да го прими во прегратките на праотецот Авраам и во населбите на праведниците. Бог да го прости и нека му е споменот вечен!“

 

Извор: Религија.мк

Преземено од:

http://www.mpc.org.mk/vest.asp?id=7349

 

Друго:

   

Се упокои во Господ Епископот Рашко-призренски во егзил г. Артемиј (Радосављевиќ) (23.11.2020 12:23)

Во сабота, на празникот на Соборот на свети архангел Михаил, 21 ноември 2020 година, во 14.10 часот, во Ваљево, по кратко боледување, се упокои во Господ Неговото Преосвештенство Епископот Рашко-призренски во егзил г. Артемиј (Радосављевиќ). Во утринските часови преосветениот владика се причести со Светите Христови Тајни.

Светата Заупокоена Литургија, по повод упокојувањето на блаженопочинатиот Епископ Рашко-призренски во егзил г. Артемиј, ќе биде отслужена во понеделник, 23 ноември 2020 година, во манастирот Нова Никеја во Лелиќ, со почеток во 9 часот, а опелото ќе се одржи во 12 часот. Телото на блаженопочинатиот Владика ќе биде изложено во параклисот на манастирот Нова Никеја сѐ до опелото.

Биографија на Неговото Преосвештенство Епископот Рашко-призренски во егзил г. Артемиј.

Бог да го прости и да му подари Царство Небесно!

 



Извор: eparhija-prizren.org

Преземено од:  http://www.mpc.org.mk/svetaktuelno.asp?id=7350

 



Видео содржини

Поуки од Светите Отци

dobrotoljubie

Духовност

Ноември 10, 2020

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна Морача. Завршил Богословија во Белград, а на Богословскиот факултет на СПЦ, во Белград, дипломирал во 1962 година. Покрај теолошките науки, студирал и класична…
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 1487
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 1851
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 1652
7.Vselenski.sobor
Премногу размислуваме во категоријата Бог – човек, наместо во категоријата личносни…