Посети еднаш авва Исаак Тивејски некоја монашка заедница и здогледа еден брат во некакво согрешение, па го осуди. А кога излезе во пустината, дојде ангел Господов и застана пред вратата од неговата келија, велејќи: „Нема да те пуштам да влезеш.“ А тој почна да го моли: „За што се работи?“ Одговарајќи, ангелот му рече: „Бог ме испрати велејќи: „Прашај го каде заповедаш да го фрлам грешниот брат што го осуди?“

Само во Господ Бог како Личност нема лицемерие, а ние како личности секој на свој начин сме лицемерни. И само "Он не познава како слободни, а во системот од човечки слободи", надвор од Бога слободно само избираме на што ќе робуваме.

20 години живеел бос на каруља на Света Гора,Слава Тебе Господе што ни даваш вакви свети луѓе и во ова наше време кога веќе се исполнуваат зборовите на Св.Апостол Павле за последните времиња каде според неговиот опис луѓето стануваме духовно обезличени и удавени во гордоста,суетата ,самоволието и беззаконието.Инаку овој голем подвижник во цивил бил воен офицер.

 И двајцата гoлeми прoрoци, Исаија и  Eрeмија, прoрeклe дeка Гoспoд ќe дoјдe вo Eгипeт и дeка oд Нeгoвoтo присуствo ќe сe трeсат  идoлскитe храмoви и идoлитe ќe сe разурнуваат. Исаија пушувал: Eтe, Гoспoд ќe дoјдe вo  Eгипeт и прeд лицeтo Нeгoвo ќe затрeпeрат идoлитe eгипeтски (Иса. 19:1; Јeр. 43:12). Кoга  бoжeствeнитe бeгалци стасалe вo градoт Eрмoпoл (Каирo) и...

Во Кападокија (Турција) откриен е нов подземен град стар 5000 години. Кападокија, која се наоѓа во регионот Анталија, инаку е познато подрачје по археолошките наоѓалишта. Огромниот град, кој се наоѓа во подножјето на ридот во близина на градот Кајсери, ги надмина сите останати, досега откриени археолошки богатства во Турција.

На 09.01.2015 година на денот кога Православната црква го слави св. архиѓакон и првомаченик Стефан, Архиепископот охридски и македонски г.г. Стефан во сослужение на свештенослужители од Скопската епархија отслужи Архиерејска Литургија во храмот Св. вмч. Димитриј. На Литургијата во ѓаконски чин беше ракоположен проф. д-р Милан Ѓорѓевиќ.

Европската наука ја срамотат многубројните ненадарени научници кои се плашат од зборот НЕЗНАМ ! Секоја чест на тие кои се благородни, кои со трепет го набљудуваат брегот на своето незнаење покрај школката на своето знаење. Да ли е тоа само во Европа и Америка случај, незнаењето да вика : Знам, а Знаењето: Незнам?

Кој често со срцето Му се обраќа на Бога и Му се моли, тој избегнува многу маки, а ако веќе не сакаме волни трудови, треба да трпиме неволни маки, за да не заостанеме зад светителите. Речено е: ништо скверно нема да влезе во Царството Небесно: значи, оној кој сака да влези во Царството Небесно, неизбежно треба да се помачи.

На вториот ден од Божик христијанската Црква ѝ оддава слава на Пресветата Божја Мајка, Којашто Го роди Господ и Сапсителот наш Исус Христос. Ова празнување се нарекува Нејзин собор затоа што на тој ден се собираат сите верни за да Ја прослават Нејзе, Која е Богородица. Тогаш се служи торжествено, соборно, во Нејзина чест.

Тропар глас 6.

Ти се воплоти во пештера тајно, но небото Те објави на сите, Спасителу, како уста употребувајќи ја sвездата, и таа Ти ги приведе мудреците кои со вера Ти се поклонија. Со нив и нас помилуј не.

Трагичното убиство на француските сатирици предизвика бурни расправи – па дури до повици насекаде да се печатат карикатури на Мухамед, што е сосема разбирливо.
Терористичките акти – дејствија, се насочени, пред сè, да создадат психолошки ефект. Тие се манипулативни.

– Не можеме да ги спречиме христијаните да одат во црква.
– Не можеме да ги спречиме да ја читаат својата Библија и така да ја откриваат вистината.
– Не можеме да ги одвоиме од нивната вера во Спасителот.
– Кога еднаш ќе воспостават врска со својот Христос, нам моќта над нив ќе ни биде уништена.

На 24 декември минатата година Неговото Преосвештенство, Епископот на Бразавил и Габон г. Пантелејмон (Александриска Патријаршија) покрстил четириесет и двајца новопросветлени Конгоанци од различни возрасти. Новопокрстените припаѓаат на три парохии во Поинт-Ноар, а крштевката била изведена во катедралната црква на св. Димитриј којашто е во изградба. Обраќајќи се пред новопокрстените браќа и сестри, владиката го објаснил богословското значење на крштението и ја изразил радоста на Црквата поради нивното пристапување во неа, повикувајќи ги да бидат верни, побожни и чесни членови.

Светиот кинот, светогорското управно тело, упатил отворено писмо до деканот на Богословскиот факултет на Аристотеловиот Универзитет во Солун, по повод отворањето на Одделот за исламски студии на Богословскиот факултет. Во писмото, отците од Света Гора ја изразуваат нивната „запрепастеност и огорченост“, и „во духот на љубовта и одговорноста пред историјата и идните генерации“, повикуваат на тревога.

Имено, Светиот кинот смета дека иницијативата за изучување на исламот во склоп на Богословскиот факултет кој првобитно е ориентиран исклучиво на православното Предание, „претставува сериозна грешка и очигледно е во спротивност со учењето на светите Отци… Овој чекор е насочен против богословието и против самата православна Црква.“

Писмото, потпишано од претставници на сите светогорски манастири, било испратено до грчкиот Министер за образование и вера, до деканот на Богословскиот факултет, како и до професорите на Аристотеловиот Универзитет.

Претходно, монасите од манастирот Каракала исто така испратиле слично писмо, во кое реторички се запрашале „Како може на еден ист факултет да се предава и Евангелието и Куранот?“ Според овие отци, ваквите одлуки на државните власти „водат кон измени на верските чувства и губење на културниот и национален идентитет“, а особено е неблагодарно што истите се носат во време кога „нашите христијански браќа и сестри во Сирија и другите земји од Блискиот исток доживуваат сурови прогонства од страна на исламистите.“

Извор: Православие.ру

На 8 Јануари 2015 година, кога Црквата го слави Соборот на Пресвета Богородица, во соборниот храм на Свети Димитриј во Крива Паланка, митрополитот Кумановско-осоговски г. д-р Јосиф отслужи света Златоустова Литургија. Верниот народ на Литургијата се причести со Светите Христови Тајни.

Христос се роди!

На 08. 01. 2015 година, на празникот Собор на Пресвета Богородица; св. Никодим Прилепски, Неговото Високопреосвештенство Митрополитот Брегалнички г. Иларион, во сослужение на свештеници од Брегалничката епархија, во црквата посветена на „Св. вмч. Георгиј“ во Кочани, отслужи Света Архиерејска Литургија.

Студентка од Престон се обидува да собере пари за бездомникот, кој пред неколку дена и' ги понудил последните 3 фунти од џебот за да плати за такси. За неколку дена собрала 14.000 фунти.

оминик Харисон Бенце (22) од Престон, враќајќи се со такси од град, во моментот кога требала да се качи во такси, забележала дека ја изгубила кредитна картичка. Кога милостивиот бездомник Роби забележал што се случувало, веднаш и’ ги понудил последните 3 фунти.

Доминик одбилa да ги земе парите, но одлучила да формира фонд „Помош за Роби", за да му се оддолжи за гестот кој и’ го стоплил срцето.

За кратко време, собрани се скоро 14.000 фунти. Веб-страницата станала толку популарна, што поради зголемениот број на трансакции во неколку наврати не била достапна.



- Инсистираше да ги земам пари за такси за да можам безбедно да пристигнам дома, се сеќава Доминик на средбата со Роби.

- Иако одбив да ги земам парите, многу ме трогна неговиот гест. Веднаш се обидов на Фејсбук да најдам некој кој знае повеќе за него. Дознав дека не сум единствената на која и’ помогнал, вели Доминик.

Според неа, таа стапила во контакт со неколку луѓе на кои Роби им ги вратил паричниците, помагал на луѓе кои залутале, дури и и’ понудил шал на некоја девојка кога ја видел како се тресе на студот.

- Бездомник станал пред седум месеци, но не по своја вина. Не може да најде работа бидејќи нема постојано место на живеење, објаснува студентката.



Потребни и’ биле четири дена за да го пронајде.

- За малку ќе се откажев од намерата, но сега не само што сакам да му дадам пари, желба ми е да поминам неколку дена на улица заедно со него, за да го почувствувам тој живот.

Главната цел на донацијата е средствата кои ќе бидат собрани од добрите луѓе да му ги даде на Роби за да може да остави депозит за стан, а со тоа да има постојана адреса, која ќе му отвори можност за наоѓање на работа.

Извор: Idividi

Навистина секое добро со добро се враќа!

05.01.2015.

 

1.Според сознанијата, вие бевте еден од владиците кој се спротивставил на упатување на синодскиот апел за милост кон Јован Вранишкоски во име на „повисоките цели“. Зошто бевте против?

Врз радоста и љубовта е втемелено Христовото учење. Љубовта е најголемата христијанска доблест и од нејзината примена зависи и духовниот напредок на секој христијанин. Милоста и милосрдието се производ токму на љубовта и за мене како Христов следбеник нивното секојдневно покажување и применување воопшто не е, ниту треба да биде, спорно или дискутабилно. Она што мене ме загрижува е големиот наплив на фарисејство и лицемерие со кое со децении наназад сме преплавувани од сите страни, кога станува збор за македонското црковно и национално прашање. Насетував дека исто вакво лицемерие во форма на брза и нездрава храна ни беше подготвено од страна на „дежурните“ балкански фарисеи, кои имаат запоседнато во некои епископски столици и кои лукаво го користат авторитетот на Светата Православна Црква за инспирирање и спроведување на своите налудничави националистички планови. г. Вранишковски, како нивна марионета, сега има некои нови амбиции, изгледа му беше доста од жртвување и сега сака за своето мачеништво да добие аплауз на отворена сцена. Неговите поттикнувачи пак сакаат сето ова да го валоризираат со тоа што ќе го претстават пред светот како политички затвореник, што се разбира е опасна замка во која можеме сите да се фатиме доколку не бидеме внимателни каде газиме. На потврда за моите стравувања не се чекаше долго. Соопштението на СПЦ, подготвено во одделението за лицемерие и омраза некаде во Војводина сé убаво ни опиша и ни објасни. Ние за СПЦ и нејзиниот портпарол не сме ниту македонски, ниту православен народ, туку некакви души, кои обитаваат на некое подрачје помеѓу српската и грчката граница. Лукави и неевангелски се нивните намери и сметав дека како православен Митрополит тоа требаше отворено да го посочам.

2.Што инфорамција добивте како Синод од страна на архиепископот за средбата со рускиот митриполит Иларион Алфеев?

Нашиот блажењејши Архиепископ, по барање на митрополитот Иларион Алфеев, во својата резиденција оствари средба со него, на која бил замолен да посредува во државните институции за да биде ослободен од затвор г. Вранишковски заради неговата здравствена состојба. Поентата на информацијата беше дека по ослободувањето на г. Вранишковски ќе се продолжи со прекинатите преговори со СПЦ и дека преговорите ќе се водат во неколку фази, со претходно подготвена платформа од двете страни. Митрополитот Иларион Алфеев го уверувал нашиот Архиепископ дека преговорите ќе продолжат во позитивна насока.

3.Што очекувате од најавениот дијалог во ситуација кога премиерот Никола Груевски изјави дека рускиот владика не зборувал за автокефален статус на МПЦ-ОА?

Мислам дека е нечесно да толкувам туѓи впечатоци на средби на кои не сум бил присутен. Она што со сигурност го знам е дека МПЦ по втората светска војна де факто опстојува како автокефална Црква. Во текот на сите овие години, градејќи буквално од темел сé, постигна огромни резултати на полето на духовноста и на црковноста. Тоа е факт кој само духовно слеп и озлобен човек не може да го признае. МПЦ нема никаква канонска, еклисиолошка или догматска пречка за да биде автокефална Црква. Единствениот проблем, кој се провлекува со децении, а за кој ние не сме виновни е името на нашата Црква. Што значи проблемот во суштина е од политичка природа. Затоа непријателите на овој народ, кои веднаш се вклопија во улогата на прогонети и на маченици, а кои се одметнаа од својата Црква, веднаш почнаа погрдно да нé нарекуваат Славомакедонци или Фиромци. Тие тоа го прават затоа што се наемници, а не пастири на овој народ. Христос во Евангелието вели дека кога волк ќе го нападне стадото наемникот бега зашто не му е гајле за овците, а добриот пастир ги познава своите, ги изведува, раководи и се грижи за нивната духовна добробит. Токму заради тоа што проблемот допира до нашето вековно име, а тоа се коси со здравиот разум и нема врска со духовноста, мое мислење е дека во неговото решавање би требало да дадат придонес сите оние кои ја љубат вистината и правдата, без разлика на нивниот општествен или професионален статус. Голем грев е и неправда по примерот на Понтиј Пилат да си ги миеме рацете и да бегаме пред налетот на бесрамните користољупци. Лично немам ништо против тоа да има контакти и преговори. Но, се залагам преговорите да бидат поставени врз евангелски и канонски основи и со посредство на Божјата Промисла и Премудрост во спорот да нема поразени, туку само победници.

4.Очигледно е дека рускиот предлог ќе се базира на некаква широка автономија на МПЦ-ОА, но не и на класичен автокефален статус. Дали МПЦ-ОА треба да прифати таков статус и потоа да работи на добивањето на автокефалноста?

Не постои „руски предлог“ како што Вие претпоставувате. Во врска со автокефалниот статус на нашата Црква, Ве уверувам дека нема да има никакво отстапување. Овде би сакал да додадам дека мое мнение е дека и да се согласиме со сето она што го бара СПЦ, сепак нема да го решиме проблемот, зашто камен на сопнување повторно ќе биде името. Добар е примерот со блаженоупокоениот архиепископ Доситеј, кого СПЦ никаде не го претставила како македонски архиепископ, иако имала таква обврска по завршените преговори во 1959 г. Истото се случува денес со г. Вранишковски и неговите приврзаници, кои себе си пред своите Грчки домаќини се претставуваат како апатриди, со лажни идентитети, како Византици или Ромеи. Според тоа МПЦ во ниту еден случај не треба да прифаќа двосмислени, нереални и неефикасни предлози. Да не заборавиме дека афтокефалноста не е желба на неколкумина, туку е факт и духовна потреба на верниот македонски православен народ. Идејата за автокефалност не е од вчера, туку е континуитет на сите генерации православни Македонци од нејзиното укинување во 1767 г. со султаново ираде, па сé до денеска. Впрочем, во досегашните преговори, ниту еден претставник на СПЦ ни нема укажано на некаква духовна аномалија или незрелост на нашето духовно живеење и црковно уредување.

5.Дали имaте впечаток дека некои владици би прифатиле таков широк автономен статус?

Би сакал да Ве повикам и Вас новинарите, но и македонскиот православен народ да имате доверба во своите архиереи и да Ве уверам дека македонските владици со сето срце ќе настојуваат да не биде понижен и повреден македонскиот православен народ. Црквата во Македонија опстоила и во потешки времиња, надминала и победила и потешки искушенија. Сигурен сум дека благодарение на Бога имаме доволно мудри, прекалени и искусни архиереи кои ќе смогнат сили и ова искушение да го победат и ќе умеат да го заштитат и нема да го изневерат од Бога доверениот им македонски православен народ.

6.Како гледате на иднината на македонското црковно прашање?

Искрено, би сакал недоразбирањата и црковните спорови да бидат минато. Од длабочината на душата посакувам оваа отворена рана на Светата Црква час поскоро да биде излечена. Ќе работам предадено, со целото свое битие, за уште поголем духовен развој и потемелна обнова на нашата духовна мајка Македонската православна црква. Го молам Бога да нé вразуми сите, конечно во љубов и почит да живееме како браќа, зашто само така ќе нé познаат дека сме Христови ученици. Стиховите, кои ги пееме на празникот на Рождеството Христово за мир на земјата и добра волја меѓу луѓето да станат наше секојдневие и реалност во претстојното ново лето Господово.

 
Митрополит Повардарски

†Агатангел (Станковски)

За православните христијани после Бог најзначајна личност во нивниот живот е Пресветата Мајка Божја. Заради нејзината чистота Бог ја избрал преку неа да прими човечко тело, а таа, иако не знаела колку голема служба ја очекува, сепак, послушно ја прифатила волјата Божја, и ете, до крајот на вековите ја ублажуваме сите христијански поколенија.

Во новиот број се сместени содржини со кои би сакале да се обидеме да ги запознаеме верниците што подобро со традициите на црковниот живот, и со учењето на нашата Света Црква, и да придонесеме за што поголем интерес кај сите верници во Повардарската епархија, па и пошироко, за практикување на нашата православна христијанска вера.